Alexander Hegius et Zinthius coeperant aliquid melioris litteraturae invenire. – V. ö. Beatus Rhenanus nyilatkozatát: Proximam sibi laudem vendicat Daventria, quae puellum adhuc instituendum suscepit. Praeerat illic ludo litterario tum Alexander Hegius Westphalus, homo bonarum litterarum minime expers et Graecarum nonnihil peritus, Rudolpho Agricola communicante, cujus amicitia familiariter utebatur nuper ex Italia reversi, ubi Guarinum Veronensem Ferrariae profitentem et alios aliquot eruditione celebres audiverat… Erat tum inter eos, quos illic fratres vocant, non quidem monachos, sed contubernii ratione et vestitus simplicioris et uniformis convenientia Monachis similes Joannes Sintheimius vir probe litteratus… Ugyancsak B. Rh. írja: Apud Daventriam primum posuit in litteris tirocinium, utriusque linguae rudimentis imbibitis sub Alexandro Hegio Westphalo, qui cum Rudolpho Agricola recens ex Italia reverso amicitiam contraxerat et ab eodem Graece docebatur: nam huius litteraturae peritiam ille primus in Germaniam importavit.