A pozsonyi káptalan tudatja, hogy Pálóci László országbíró parancsára tanúbizonyságot küldött a királyi ember mellé, aki a nagypadányi nemesek földjét újra elhatárolta Szécsi Dénes esztergomi érsek és rokonai Megyer nevű birtokától, majd őket ellentmondás nélkül földjük birtokába újra be is iktatta.

Eredeti, átírás: -
Fennmaradási forma: újkori másolat.
Lelőhely: DREL DL 14. (Régi jelzet: N^o 17.)
Fénykép: MOL DF 285433.
Kiadás, regeszta: -
Megjegyzés: Fennmaradt eredetiben Pálóci László országbíró ugyanakkor kelt parancslevele Hídvégi Péter és Nagypadányi István részére a Pozsony megyei Hídvég birtokukba való beiktatásról. A káptalan hátlapi feljegyzése szerint a végrehajtás ugyanakkor volt, és Szécsi Miklós megyeri officiálisának ellentmondása miatt perre került sor. SSUA, Bratislava. Arch. regnicol. cap. Poson. Statutoriae 2.9.23. MOL DF 225691. A róla készült fénykép megtalálható DREL DL 14/a. jelzet alatt.

    Capitulum ecclesiae Posoniensis omnibus Christi fidelibus tam praesentibus, quam futuris praesens scriptum inspecturis salutem in salutis Auctore!
    Ad universorum tam praesentium, quam futurorum notitiam harum serie volumus pervenire, quod nos literas magnifici comitis de Palocs iudicis^[1] curiae regiae reambulatorias et statutorias secreto suo sigillo consignatas nobis amicabiliter loquentes debito cum honore accepimus in haec verba:

    Nos igitur petitionibus amicabilibus dicti domini Ladislai comitis et iudicis curiae regiae satisfacere volentes unacum praenominato Thoma filio Iacobi de Pethelt homine scilicet regio nostrum hominem videlicet honorabilem magistrum Ioannem de Val socium et concanonicum nostrum ad praemissas reambulationem et statutionem faciendam^[2] nostro pro testimonio transmisimus fidedignum, qui tandem ad nos exinde reversi nobis uniformiter retulerunt, quomodo ipsi ^[3]-feria quarta proxima ante dominicam Ramispalmarum proxime praeteritam^-3 ad faciem praenominatae possessionis Nagy Padány in comitatu Posoniensi existentis et habitae vicinis et commetaneis suis universis inibi legitime convocatis: Blasio filio Michaelis Misse et Paulo ac Valentino filiis eiusdem Blasii, necnon Andreae filio Ladislai, item Petri filio Ioannis, Blasio et Marco filiis eiusdem Petri de [_ _ _ _ ]^[4], Petro filio Ladislai de Hidfark, item Michaele filio Ladislai, Matyus filio Ioannis, Simeone filio Dominici, Andrea filio Petri, Laurentio^[5] filio Matyus, Georgio filio Iacobi et Ioanne filio Thomae de Pethen, praesentibus etiam familiaribus reverendissimi domini nostri, domini Dionisii cardinalis archiepiscopi almae ecclesiae Strigoniensis et magnificorum dominorum Ioannis, Nicolai et Thomae de Zech^[6] comitum comitatus^[7] Comaromiensis, videlicet Ioanne de Goszlony, Ladislao de Radvány vicecomite et Valentino Kenyeres de Ujjfalu iudice nobilium dicti comitatus Comaromiensis, item Nicolao de Alap castellano castri Comaromiensis et Petro de Szala ac Nicolao dicto Poson de Martzelháza, Andrea de Aranyos et Michaele Buga, Valentino officiali de dicta Megyer, jobbagyionibus eorundem dominorum de eadem Megyer, videlicet^[8]-Stephano Iván villico, Ioanne Han^-8, Andrea Jankó, Aegidio^[9] Deltsek, Emerico Töltés, Osvaldo Zsombok, Blasio Mórocz, Nicolao filio Clementis et altero Nicolao Kováts, aliisque quampluribus nobilibus comprovincialibus centenarium numerum excedentibus accessissent, ibique dictus homo regius praesente nostro testimonio reambulationem et erectionem metarum inter nobiles de dicta Nagy Padány et possessionis dicti domini nostri archiepiscopi et praelibatorum fratrum suorum Megyer hoc ordine reambulando et erigendo inchoassent.
    Et primo incepissent in loco Tormás Erdősség prope fluvium Cseleh penes quamdam publicam viam a parte meridionali, ubi unam et primam metam terream erexissent; abinde declinando inter orientem aestualem et septemtrionales plagas in pratis modicum procedendo secundam metam terream erexissent; abinde plagam eandem servando, in pratisque modicum eundo penes fluvium Tormaszer vocatum tertiam metam terream fecissent et erexissent; abinde in cursu eiusdem aquae Tormaszer, prout cursus eiusdem aquae girat et circuit, per longum et magnum spatium transeundo pervenissent ad locum, ubi ipse fluvius
Tormaszer cadit in alium fluvium Sellye Dereka vocatum, ubi quartam metam terream erexissent; abinde in cursu fluvii Sellye Dereka semper versus orientalem partem per longum et magnum spatium eundo pervenissent ad locum Köves Magla vocatum, ubi dictum fluvium Sellye Dereka usque ventum superiorem, hoc est versus possessionem Padány pervenissent, ubi cum Petro filio Ladislai de Hidvégh commetaneverant, ubi in rippa quintam et ultimam metam terream fecissent et erexissent, et sic metas et erectiones metarum inter possessionem nobilium de Padány ac dominorum archiepiscopi et fratrum suorum de Zech videlicet Meger finivissent, ubi tribus diebus continuis permansissent, et nullus penitus ipsis contradictione obviasset.
In cuius rei testimonium firmitatemque perpetuam praesentes nostras literas privilegiales pendentis authentici sigilli nostri munimine roboratas perpetuo valituras duximus concedendas.
    Datum decimo sexto die diei reambulationis et metarum erectionis ac statutionis praenotatae, anno 1449 suprascripto.

    1 A szövegben hibásan iudicio.
    2 Talán helyesebb a faciendas.
    3--3 1449. április 2.
    4 A másolatban is kipontozva szerepel ez a rész.
    5 A szövegben hibásan Laurentii.
    6 A szövegben hibásan Zich.
    7 A szövegben hibásan comitatuum.
    8--8 A szövegben hibásan Stephano Iván, villico Ioanne Han.
    9 A szövegben hibásan Aegedio.