Szapolyai János a pápai plébániatemplom Szűz Mária-oltárigazgatóságának adományoz egy városbeli telket, és felmenti mindennemű földesúri adózás alól.

Eredeti: lappang.
Fennmaradási forma: A: 1755. augusztus 13-án kelt hitelesített másolat, papíron. B: Az 1730-as években készült egyszerű másolat.
Lelőhely: A: DREL DL 20. Korábban: DREL, 62. Pápai református egyházközség iratai, e. igazgatási és ügyviteli iratok; Liszkay-féle kigyűjtött anyag, N^o.1. B: Pápai Szent István vértanú-plébánia, Historia domus I. kötet, 11. lap (27-28. old.)
Fénykép: A: MOL DF 285435. B: DREL DL 20.
Kiadás: 1. Bakacs Imre pápai káplán közlése alapján a "Tárcza" rovatban. = Magyar Sion 1863, 877-878. 2. Kiss 169-170.
Regeszta: Liszkay 9. (1. sz.)

    Nos Ioannes de Zápola comes perpetuus terrae Scepusiensis^[1], etc. memoriae commendamus tenore praesentium significantes, quibus expedit, universis, quod nos ex devotione nostra singulari, quam erga intemeratam Dei genitricem, virginem Mariam gerimus specialem, cupientes denique ecclesiam parochialem beati Stephani prothomartyris in oppido nostro
    Pápa habitam personis Deo iugiter famulantibus decorari cultusque Divinos adaugeri, quemdam locum sive fundum unius sessionis jobbágyonalis^[2] in dicto oppido nostro Papa in portu sive littore piscinae nostrae retro domum et curiam praenotatae ecclesiae parochialis habitum ad praesens habitatore et aedificiis penitus destitutum dedimus, donavimus et contulimus ad altare intemeratae et gloriosissimae virginis Dei genitricis Mariae in praenotata ecclesia parochiali constructum, in quo videlicet altari honorabilis Petrus presbyter, plebanus eiusdem ecclesiae parochialis modernus rectoratum altaris et missas perpetuas suis sumptibus ordinare rectorique^[3] altaris pro tempore constituto in loco et sessione praenotata domum et habitationem construere et aedificare habet, imo damus, donamus et conferimus, eandemque sessionem a solutionibus quorumcunque censuum, taxarum, datiarum^[4] ordinariarum et extraordinariarum, aliarumque universarum quarumlibet solutionum quomodocunque exinde nobis debentium, necnon servitiorum fiendorum in perpetuum libertando et eximendo.
    Quocirca castellanis, vobis, castri nostri Papa, ac iudicibus et iuratis praefati oppidi nostri similiter Papa nunc constitutis et pro tempore constituendis serie praesentium firmiter committimus et mandamus, quatenus habita praesentium notitia rectores altaris praenominatae Virginis gloriosae pro tempore constitutos perpetuis semper successivis temporibus in pacifico dominio libertatum et exemptionum per nos ad praefatam sessionem ad altare antedictum modo praemisso donatam^[5], collatam eosdem contra formam earundem libertatum in nullo turbando aut molestando tenere et conservare debeatis et teneamini, secus non facturi. Praesentibus perlectis exhibenti semper restitutis.
    Datum in praenominato castro nostro Papa in die beati Bartholomaei apostoli, anno Domini^[6] 1510. Locus sigilli.

    1 B Sepusiensis.
    2 B jobbagionalis.
    3 B hibásan rectoremque.
    4 B hibásan domorum.
    5 Mindkét példányban, talán az eredetiben is kimaradt: et.
    6 B. A tollban maradt.