---

Index

SECTIO I.
§ 1 . Cap. I. De primo Algorithmo numerico seu quinque primae species
§ 30. Cap. II. Quatuor species literales
§ 52. Cap. III. De Potentiis arithmeticis, & extractione radicum
§ 76. Cap. IV. De Analysi Arithmetica ubi traduntur Regulae generales Analysis

SECTIO II. DE RATIONE & PROPORTIONE TUM ARITHMETICA, TUM GEOMETRICA
§ 86. Cap. I. Definitiones & Axiomata
§ 88. Cap. II. De proportione arithmetica
§ 103. Cap. III. De proportione Geometrica
§ 232. Cap. IV. Usus Regulae aureae simplicis tam directae quam inversae declaratur per exempla
§ 143. Cap. V. Exempla Regulae compositae

SECTIO III. DE FRACTIONIBUS
§ 151. Cap. I. Definitiones
§ 152. Cap. II. Fractionum 5 species
§ 174. Cap. III. De fractionibus cum integris
§ 179. Cap. IV. De fractionibus decimalibus

SECTIO IV.
§ 190. Applicatio Analysis ad Problemata Algebraica. Cap. I. Applicatio Analysis ad Problemata simplicia & determinata
§ 214. Cap. II. Applicatio Analysis ad Problemata simplicia sed indeterminata
§ 217. Cap. III. Applicatio Analysis ad aequationes quadraticas

---

Praefatio

Etsi complures passim inveniantur commentarii de arithmetica tractantes, quia tamen aliqui tam fusi sunt, ut molae laborent sua, alii contra tam breves, ut praeter ordinarias quinque specierum operationes, & aliquid de regula proportionum vix quidquam attingant,imo nec simplicium illarum operationum rationem reddant, ut adeo non immerito complures conquerantur se arithmeticam didicisse quidem, sed iterum oblitos nihil amplius scire. Unde: ut huic malo occuramus, statuimus operationes arithmeticas breviter quidem tradere,sed tamen simul suas iis rationes & demonstrationes adjungere, quibus convictus intellectus & scientiam adipiscatur, & facilius ab oblivione semet tueatur. Post primas quinque species numericas, subjungimus quinque species literales, tum ad regulam proportionum, & quae ex ea consequuntur descendemus. Usus porro calculi literalis in eo potissimum eximius est, quod per illum problemata arithmetica quae per numeros non nisi operoso resolvuntur; & brevissimo & facillimo expediantur, & insuper ad intelligendos libros mathematicos qui defacto fero omnes admixtam habent algebram necesarius est. Ut autem ordinato procedamus, definitiones nonnullas praemittimus, ne fortasse voces obscuritatem generent.

---