---

Contenta

DE CONSTRUCTIONE OCTO PARTIUM ORATIONIS LIBER II
Praefatio
De generibus nominum
De declinationibus nominum
De praeteritis, et supinis verborum
De verbo personali finiti modi
De constructione verbi infiniti
De constructione communis omnium verborum
De constructione nominis
De constructione pronominis
De constructione praepositionum
De constructione adverbii
De constructione interjectionis
De constructione conjunctionis
De constructione figurata

DE INSTITUTIONE GRAMMATICA LIBER III
De syllabarum dimensione
De mutatione seu enallage verbi
De mutatione nominis substantivi etc.

---

Praefatio

Syntaxis Alvarinae Regulis Notas, quas Tyron ibus vel utiles magis, vel necessarias existimabam, subjeci ex causa: ut, nescio, qua Explicata Syntaxi, aliisque Grammaticis subsidiis tuto jam carere, sumptibusque huc faciendis parcere possint ium Discipuli, tum Praeceptores. In his Notis Latina potius, quam Vernacula utendum duxi, quod, et confirmatiore jam latinitate sint discentes, et plana sint pleraque, nec difficilis intellectionis.

Appendices tertii generis, quae e scholiis seu animadversionibus, quas suis Appendicibus Alvarus ipse subjunxit, excerpta sunt, Charactere Cursivo expressimus; ut nota esset, eas quidem, explicandas, non item memoriae mandandas. Cum enim, ut singulas examinanti patebit, nihil aliud habeant, ac Regulas quas dam, licentias, queis usi sunt Classici, excusandi; vel Priscorum Comicorum maxime, uti et Poetis ac Historicis usitata, Oratoribus vero interdicta loquendi genera; vel figuratas quasdam Constructiones; vel singularis cujuspiam verbi idiotismum singularem pertractent; hoc ediscendi labore sine noxa levabuntur Discipuli. Namque qui Varronem olim, et Plautum, et omne genus Poetarum, ac Historicorum pervoluturi sunt, suapte e multiplici lectione haec animadvertent; cum iis vero, qui studia humanitatis deferturi sunt, praeclare agetur, si summas Alvari Regulas utcunque condidicerint.

Etsi vero Regulas de Generibus, ac Declinationibus Nominum, et Verborum Praeteritis, jam in inferioribus duabus scholis exhaustas esse oportuit, adjecimus tamen; ut dubitaturi fortasse, easdem prompte consulere possint.

---