---

Contenta

INTRODUCTIO.
I. De vita et operibus Titi Vespasiani Strozzae.
II. De codicibus Fragmentorum Borsiadis et Bucolicon libri.

TITUS VESPASIANUS STROZZA BORSIAS (FRAGMENTA)

TITUS VESPASIANUS STROZZA BUCOLICON LIBER

ANNOTATIONES CRITICAE.
INDEX NOMINUM.

---

Introductio

Titus Vespasianus Strozza e gentis Florentinae nobilis stirpe, quae a. 1399. Ferrariam commigravit, a. 1425. Ferrariae natus est. Parentes eius Ioannes et Constantia de Costabilibus erant. Puer parentibus orbatus in schola Guarini Veronensis studiis humanitatis erudiebalur et ibidem cum Basinio Parmensi et Iano Pannonio (postea episcopo Quinqueecclesiensi in Hungaria) et Roberto Urso el Ludovico Carbone et aliis amicitia iungebatur. Inter sodales mox eminet et carmina iuvenis 16 annorum Ferrariae iam nota erant. 45. annum agens uxorem duxit et in praediis, quae circa Ferrariam erant, res familiares administrans carminibus condendis vacabat. A. 1471. legatus Romae moratur. A. 1475. Rodigii (Rovigo di Polesina) locumlenens electus est. Verisimile est eum intra annos 1482-84. tempore belli inter Venetos et Ferrarienses orti virum consilii militaris fuisse. Ante pacem (1484.) Lugi (Lugano) locumtenens factus est. A. 1485. iterum legatus ad papam Innocentium VIII. mittitur. A. 1497. tribunus duodecim sapientum creatur. Mox (circa annum 1500.) temporibus ingravescentibus una cum magistratu propter tributa populo Ferrariensi invisus fit; exinde a rebus publicis recessit et studiis poeticis se totum dedit. Octoginta annos natus (a. 1505.) Ferraríae peste periit ibidemque sepultus est. - Filius eius erat Hercules Strozza ille poeta praeclarus meritis poeticis patre haud posterior.

Opera eius memoratu digna: Aelostichon libri IV. - Borsias (fragmenta e libris I. et V.) - Bucolicon liber. - Epigrammatum liber. - Epitaphiorum liber. - Eroticon libri IX. - Sermonum liber.

...

---