---

Contenta

Praefatio.
Articulus I. De Subsidio Militari in 12000 Tyronibus ad Legiones Hungaricas oblato & revehendis Collectaculis.
Articulus II. De libero Oblato.
Articulus III. De provisione Articuli 12. 1792. usque proxima Comitia extendenda.
Articulus IV. Flumen Civitas, Portusque inarticulatur, Gubernatori autem Fluminensi in Tabula Procerum, Ablegatis vero Civitatis Fluminensis in Tabula SS. & OO. Sessio, & Votum tribuitur.
Articulus V. De Tricesima a Mercibus exteris in Hungariam invectis desumenda, evectione item Mercium per Ditiones haereditarias germanicas.
Articulus VI. De Frugum evectione.
Articulus VII. De Vinorum evectione.
Articulus VIII. De promovendo celeriore Causarum cursu.
Articulus IX. De acceleranda Causarum Criminalium Superrevisione, & diminuendo Processuum ad Judicatum Tabulae Regiae Judiciariae spectantium numero.
Articulus X. De serie Causarum in Tabula Regia Judiciaria observanda.
Articulus XI. De binaria Oppositione in nullo casu admissa.
Articulus XII. De Fraudulentorum Fallimentariorum poena.
Articulus XIII. De Repositione violenter ejectorum.
Articulus XIV. De Actorum in Locis Credibilibus existentiuru Regestratione, & poena Articuli 11. 1764, praescripta, etiam ad casus neglectae Regestrationis extensa.
Articulus XV. De Securitate Archivis ordinariorum Regni Judicum, & eorum Magistrorum Proto-Notariorum procuranda.
Articulus XVI. De procuranda Bonificatione Provisionis per Jurisdictiones sive auxiliari, sive Suae Majestatis Sacratissimae Militiae praestitae.
Articulus XVII. De operibus Hydraulicis privatorum sumptibus perficiendis.
Articulus XVIII. De praestanda Jurisdictionibus illis indemnitate, quae sub Regimine Imperatoris Josephi II. ad fundum concurrentialem & deperditalem summas pecuniarias administrarunt.
Articulus XIX. Relate ad hungaricorum Productorum in proprias Regnicolarum necessitates ad vicinas Suae Majestatis Provincias in & evehi solitorum, a Tricesimis, & Teloniis immunitatem Articulus 14. 1723. renovatur.
Articulus XX. De damnis per fluens sabulum causari solitis avertendis, & de modo plagas eodem occupatas utiles reddendi.
Articulus XXI. De Conservatione Sylvarum.
Articulus XXII. De inducenda tam quoad Mensuras, quam & cursum Monetae Uniformitate.
Articulus XXIII. De Nobilium, aliarumque privilegiatarum Personarum in Confiniis etiam observanda immunitate.
Articulus XXIV. De Bibliotheca Hungarica Széchényiano Regnicolari.
Articulus XXV. De Possessianibus Drenovbok, Krapje, Jeszenovacz, & Puszka Confinio, & Jurisdictioni Banali restitutis.
Articulus XXVI. De Fidedignitate Loci Credibilis, Capitulo Bosnensi, seu Diakovariensi Jure postliminii restituta.
Articulus XXVII. De Sessione, Ablegatis Urbis Buccari in Comitiis assignata.
Articulus XXVIII. De Locorum diversis Regni Jurisdictionibus subjectorum Tractamento.
Articulus XXIX. De Accommodatione inter Comitatum Hevesiensem, & Borsodiensem ab antiquo vigentis Jurisdictionalis Controversiae.
Articulus XXX. Ad dirimendas metales Limitum Quaestiones inter Comitatum Bacsiensem, Veröczensem, & respective Syrmiensem subversantes Commissio ordinatur.
Articulus XXXI. De Differentiis quoad limites Regni cum vicinis Provinciis determinandis, & Metis certificandis Commissarii Regni denominantur.
Articulus XXXII. De Negotiorum, quae hac Diaeta concludi nequiverunt, ad futuram Regni Diaetam remissione.

---

Praefatio

Dum ultimis quae Posonii celebrabantur, Comitiis citius, ac desiderasset Augusiissimus Imperator & Rex Apostolicus FRANCISCUS PRIMUS finem imponeret pro Paterno Suo in Regnum hoc, Partesque adnexas affectu ac Regia sollicitudine pollicitus est quod ut primum alma pax revecta fuerit curas omnes eo impensurus sit, ut non modo fidelium Statuum & OO. legalibus Postulatis satisfiat verum etiam commoda Regni, Partiumque adnexarum, optima, qua fieri potuerit, ratione provehantur.

Ut Sponsione hac Regia se liberet reftabilita feliciter, favente Supremo Numine, pace, ut illa consilii firmata, & tranquillitate fideles Populi quam diutissime perfruantur, quove de mediis ad salutarem hunc scopum deservientibus, quorum auxilio non tantum debilitatae continua bellorum sibi succedentium serie internae Status Publici vires reparari valeant, verum etiam ea rebus Patriae firmitas addatur, ut hae in aevum salvae florentesque conserventur, tum aliorum quoque objectorum salutem Regni, & incrementum Boni publici concernentium intuitu consilia inire queat, Generalem Conventum seu Diaetam pro Dominica in Albis, in diem quintam Aprilis anni Millesimi Octingentesimi Septimi incidente, in Liberam Regiamque, ac Metropolitanam Civitatem Budensem indixit; occasione cujus Articulos, in quos communi voto & consensu, accedente etiam Suae Majesiatis Sacratissimae annutu, convenerunt, demisse praesentant; ac una supplicant, quatenus altefata Sua Majestas Sacratissima eosdem clementer acceptare, Regiaque Auctoritate Sua ratificare, ac tam Ipsa benigne observare, quam per alios observari facere dignetur.

---