Roberto Gravesio S.

Apud extremos orbis barbaros, exul silvicola solus, multos quos scripsisti libellos perlegi.
Audivi te etiam Apuleii Asinum Aureum anglice reddidisse - qua de causa existimo te forsitan librum anglicum in latinum sermonem conversum in bibliothecam tuam admittere.

Egomet in edendo haesitator sum. Bilbliopolae Britannicae dicunt - et libenter eis credo - perpaucos exstare huiusmodi libelluli lectores ; non dubito autem quin tu, incly(t)e auctor, unus ex paucis illis sis.

En accipe librum "Winnie the Pooh" inscriptum et tibi habe.

Cura ut recte valeas.

Blumenau.c.p.691
Est.S.Catarina
Brasil

III.a Kal.Martii
MDCCCCLVII