LENARD, ALEXANDER:
natus anno 1910 Budapestini (Hungaria); Vindobonae et Romae nutriri ei contigit atque doceri; medicus, poeta, scriptor, interpres vitam egit. Scriptitavit carmina sermone Germanico; libros de re medica sermone Italico; tractatum medicum sermone Anglico; fabellas et carmina sermone Hungarico; postremo autem libellum illum Anglicum puerulis pergratum Winnie ille Pooh in Latinum convertit. Hoc opusculum a viris, qui ab humanitate habent nomen, ubivis cum gaudio acceptum nunc decies typis excussum est. Extra moenia mundi Brasiliae incola rusticos curat, res gestas scriptis mandat, summam aequo animo exspectat diem. -
Domicilium : Blumenau, Caixa postal 691. Brasilia.