---

Index

PROOEMIUM. RATIO, ET INSTITUTUM SUSCEPTI OPUSCULI

PARS I. DE HUNGARIAE, REGNORUMQUE, AC PROVINCIARUM EIDEM ANNEXARUM INSIGNIBUS
Caput I. De scuto duplici, seu composito Regni Hungariae
  §. I. Analysis generica super scuto eodem
  §. II. De Fluviis quatuor Regni primariis
  §. III. De Tricolli Hungariae
  §. IV. De Corona, Cruce, & Coloribus Scuti Hungarici
Caput II. De Insigni Regni Mariani, seu De Effigie B. V. MARIAE in Signis, ac Moneta Hungariae
  §. I. Signi Mariani Origo
  §. II. Progressus & Norma ejusdem Insignis
Caput III. De Insignibus Regnorum, ac Provinciarum Coronae Hungariae Unitarum
  §. I. Signa Dalmatiae, Croatiae, Sclavoniae
  §. II. Scuta Bosniae, Serviae, & Bulgariae
  §. III. Insignia Galliciae, Lodomeriae, Cumaniae
  §. IV. Signa gentilitia Provinciarum Transylvaniae, Valachiae, & Moldaviae

PARS II. DE SIGILLIS REGNI HUNGARIAE AUTHENTICIS
Proloquium. De sigillis in genere
Caput I. De Sigillis Hungariae: Regiis, Judicum Regni ordinariorum, Consilii Regii, Tribunalium, Capitulorum, & Conventuum
  §. I. De Sigillis Regiis
  §. II. De Sigillis Judicum Regni Ordinariorum, Consilii Regii, & Tribunalium Hungariae
  §. III. De Sigillis Capitulorum, & Conventuum
Caput II. De Sigillis Comitatuum Hungariae
  §. I. Comitatuum Hungariae, eorundemque insignium Duodena prima
  §. II. Duodena Secunda
  §. III. Duodena Tertia
Caput III. De Sigillis Civitatum, & Oppidorum Hungariae
  §. I. Decas Prima
  §. II. Decas Secunda
  §. III. Decas Tertia

CORONIS AD LECTOREM

---

Prooemium

Inclyti Regni Hungariae, Lector benevole, τῆν χηρογραφίαν damus, id est: Cerarum ejusdem tum gentilitiarum, tum, quod dici vulgo amat, Sigillarium notitiam, germanamque, quoad licuit, descriptionem. Ceras dicere placuit, ut communi utrasque, quarum usus pridem similis, complecteremur nomine. Siquidem & Gentium, Provinciarum que avita Insignia, & Stemmatum, (quibus, teste Juvenale, veteres exornant undique Cerat atria) longa Majorum descriptas serie, gestisque Icones id genus materiae insculpsit antiquitas, & in Sigillorum subinde consuetudinem traduxit, ut unde Domibus, atque Curiis decus provenerat, inde annulis signatoriis robur accederet. Ea de causa factum, quod, cum gentilitia Regni Mariano-Apostolici, Regnorumque una, ac Provinciarum eidem annexarum scuta in publicum proferenda suscepimus, illa non alia potissimum, atque Cerae Sigillaris, qualis Veterum in documentis cernitur, velut inde detracta forma vestiimus, vetustatis in hoc primum ritui, tum & thematis colori eidem, quoniam partem majorem de Sigillis agere instituimus, consulturi.

Porro quod ad instituti praesentis materiem pertractandam animum nostrum, cogitationemque applicuit, illud in momentis praecipuum erat; ut quod alias jam seu in Nummorum Veterum, seu ad Heraldicae Artis, ejusque universalis, commendationem cum laude praestitere alii, id nos, particulari magis incedentes vis, popularibus in insignibus, domestico nempe argumento, conatu haud dispare persequeremur, gnari, quanta inde eruditionis Patriae, ejusdem amantibus, se supellex explicet. Eam in rem Avitum primum Regni Mariano-Apostolici Insigne, cum terrarum illi adhaerentium Ieutis; tum Regis, Regnique Judicum, Tribunalium, Capitulorum, ac Conventuum; sub haec Provinciarum, in quas Hungaria pro more distinguitur; demum & Urbium, ac Oppidorum Sigilla, qua artiside scalpro, qua calanto nostro expingenda sumpsimus; qua quidem quadrifaria propositi totius divisione illud nos as. secuturos iperabamus, ut Hungarici soli Philothecam prope omnem complecteremur.

Probatum amicis consilium menti altius insedit: jamque manus admota tabulae, operae pretium certo certius latura erat, si quam animus noster ad perficiendum intentus, tam voluntas quorundam ad succurrendum prona, plenusque rerum, quae extrinsecus postulari debebant, apparatus respondisset. Incassum locorum diversorum pulsatae fores, tentata benevolentia; Documentorum ab aliis frustra penus quaesita, obtenta ab aliis. Haec spem, illa moram faciebant: inde temporis, quod sit, angustiae ortae; quae in id demum nos coegere: ut quod e cunctis, quoque modulo optimo possemus, non quo, aut quantum debebamus, in lucem proferremus. Horum causa, Lector amice, quidquid desideras, omissum: quid quid reperis, ac probas, benevolis manibus deberi scito; unde quid acturi eramus, etiam dum non agimus, luculenter pervides. Caetera numerum fortasse, non substantiam Rei, quam in seopum defiximus, sigillaris requires. Quod si ita; argumentum a pauculis, velim, sumas, ad plurima: atque si ista quidem una exoptas, industriam aliam, tempusque, ubi Superis placet, praestolare.

Geminam demum, ut rem paucis declaremus, libelli partemsummariam statuimus: Hungariae altera, terrarumque conjunctarum gentilitia scuta. Sigilla altera, quod dicimus, authentica sub obtutum ponet. Prior illa Heraldicam Signi cumprimis Patrii (aliorum etenim non eadem ad nos pertigit notitia) explanationem, anatomiam vulgo nuncupant, exhibebit; posterior Sigillorum origini, naturae, Partitionique demonstrandae insistet. Utramque sua, ut res tulit, tum locorum, eum aliorum pariter comitabitur descriprio; ea quippe Argumento huic, quod literatorum neminem latet, cum Historia intercedit cognatio, ut alterum abs consortio alterius vita sua destitui censeatur. Haec operis nostri universi ratio, hoc institutum, haec oeconomia. Vale sis, quisquis legere non dedignaris, atque aequi, bonique consule.

---