V. István király néhány Padány faluból való személy kérésére átírja és megerősíti IV. Béla király 1265-ben részükre kiadott kiváltságlevelét.

Eredeti: -
Átírás: Esztergomi káptalan 1290. aug. 9. > Esztergomi káptalan 1291. okt. 13. > III. András király 1299. júl. 5. (10. sz. oklevél)
Fennmaradási forma: két XVIII. századi egyszerű másolat
Lelőhely: A: DREL DL 4/a.; B: DREL DL 4/b.
Fénykép: MOL DF 285429.
Kiadás: Fejér V/1. 47-48.
Regeszta: Szentpétery 2138. (II/1. 94.)

    Stephanus Dei gratia Hungariae, Dalmatiae, Croatiae, Ramae, Serviae, Gallitiae, Lodomeriae, Cumaniae Bulgariaeque rex universis Christi fidelibus praesens scriptum inspecturis salutem in omnium Salvatore!
    Ad universorum tam praesentium, quam posterorum notitiam tenore praesentium volumus pervenire, quod Saul et Saulus filii Salomonis, Teber et Ilareus filii Joka, Thomas et Petrus filii Pyrimus de villa Padan ad nostram accedentes praesentiam exhibuerunt nobis privilegium domini Belae inclyti regis Hungariae, patris nostri carissimi^[1] felicissimae recordationis petens humiliter^[2] et devote, ut idem ratum habere et nostro dignaremur privilegio confirmare; cuius quidem privilegii tenor talis est:

    Nos itaque ipsorum iustis petitionibus inclinati ipsum privilegium patris nostri carissimi¹ ratum habentes de verbo ad verbum praesentibus inseri faciendo authoritate praesentium duximus confirmandum, et per apositionem^[3] duplicis sigilli nostri roborandum.
    Datum per manus magistri Benedicti Orodiensis ecclesiae praepositi, aulae nostrae vicecancellarii, dilecti et fidelis nostri anno Domini millesimo ducentesimo septuagesimo, regni autem nostri anno primo.

    1 B charissimi.
    2 B humillime.
    3 B appositionem.